Аргентина миллий жамоаси ҳужумчиси Лионел Месси ЖЧ-2026 гуруҳ босқичи 1-турида Жазоирга қарши баҳсда (3:0) майдонга тушиб, миллий жамоа сафидаги 200-ўйинини ўтказди.
38 ёшли футболчи тарихий учрашувда хет-трик қайд этиб, жамоасининг йирик ғалабасига катта ҳисса қўшди.
Шу тариқа Месси футбол тарихида миллий жамоа сафида 200 та ўйин ўтказган учинчи футболчига айланди. Аввалроқ бу натижа фақат Португалия юлдузи Криштиану Роналду ва Қувайт афсонаси Бадер Ал Мутавага насиб этганди.
Ҳозирда рекорд Криштиану Роналдуга тегишли бўлиб, у Португалия сафида 227 та учрашувда майдонга тушган. Иккинчи ўринда эса 202 та ўйин билан Бадер Ал-Мутава қайд этилган.
Месси Аргентина миллий жамоаси сафидаги 200 учрашувда 117 та гол уриб, 61 та голли узатмани амалга оширди.
У миллий жамоа билан 2022 йилги жаҳон чемпионлиги, 2014 йилги мундиал кумуш медали ҳамда икки бор Америка Кубоги (2021, 2024) ғолибига айланган.
Жазоирга қарши баҳсда қайд этилган хет-трик эса Мессининг афсонавий фаолиятидаги яна бир тарихий саҳифага айланди.
