Аргентина миллий жамоаси етакчиси Лионел Месси жаҳон чемпионати‑2026 гуруҳ босқичи 1-тури доирасидаги Жазоирга қарши баҳснинг энг яхши футболчиси деб тан олинди. J гуруҳи ўйини Канзас‑Сити (АҚШ) штатида ўтказилди ва 3:0 ҳисобида якунланди.
17-дақиқада, 60 ва 76-дақиқаларда рақиб дарвозасини ишғол қилган Лео ҳет‑трик қайд этди.
Энди афсонавий аргентиналик мундиаллар тарихидаги тўпурарлик пойгасида германиялик Мирослав Клозе билан етакчиликни бўлишиб турибди (16 тадан гол бор).
Шу тариқа 38 ёшли Месси миллий жамоа сафидаги 200‑ўйинини ўтказди, жаҳон чемпионатларидаги эса 27‑баҳси бўлди. Аргентиналик олтита жаҳон чемпионатида майдонга тушган тарихдаги илк футболчига айланди.
