"Yuventus" futbolchisi Kenan Yildiz "Sassuolo"ga qarshi o'yin (1:1)da hisobni ochdi.
Shu tariqa, 20 yoshli turkiyalik futbolchi turinliklar tarixida 21 yoshgacha bo'lgan futbolchilar orasida A Seriyada 10 ta gol urgan ilk legionerga aylandi. Agar italyan futbolchilar ham hisobga olinsa, Yildiz ushbu ko'rsatkich bo'yicha "Yuventus" tarixida 7-futbolchi bo'ldi.
"Zebralar" safida A Seriyada 21 yoshgacha bo'lgan holda kamida 10 ta gol urgan so'nggi futbolchi Roberto Bettega bo'lgan (1970/71 mavsumda 13 ta gol). Qayd etish lozim, ayni vaqtda Turin klubi chempionatda 54 ochko bilan 5-o'rinni egallab turibdi.
