Franchesko Totti oʻz avtobiografiyasida «Roma» Paulo Dibalaga 10-raqamli libosni berishni rejalashtirgani haqida esladi.
«Paulo hech qachon 10-raqamda oʻynamagan. Futboldan ketganimdan beri orzudagi jamoada mening libosimni boshqa hech kim kiymadi. Bu mening tanlovim emas, balki bu xazinaning haqiqiy qoʻriqchilari boʻlgan odamlarning qarori edi.
Paulo Rimga kelganida, klub vositachilar orqali menga xabar yubordi. Ular unga 10-raqamni berishni va aynan men uni Italiya sivilizatsiyasi saroyida boʻlib oʻtadigan rasmiy taqdimot marosimida topshirishimni xohlashgan.
«Hammangiz aqldan ozibsizlar. Agar bunga jurʼatingiz yetsa, oʻzingiz beringlar. Futbolchiga nisbatan hech qanday eʼtirozim yoʻq — aksincha, u menga juda yoqadi. Inson sifatida ham u ajoyib yigit. Ammo men shunday javob berdim: «Agar niyatingiz shu boʻlsa — harakat qiling, faqat mensiz».
Men boshqa birovning tanlovi, umuman aloqam boʻlmagan qaror uchun masʼuliyatni zimmamga olishni istamadim. «Roma»ning 10-raqami juda katta maʼno kasb etadi va men bilan taqqoslashlar boʻlishi tabiiy edi.
Juda aniq aytaman: «Roma»ning 10-raqamini hech qachon butunlay muomaladan chiqarib qoʻymagan boʻlardim — bu bolalarning goʻzal orzusini tortib olish bilan barobar boʻladi. Har kuni yangi Totti paydo boʻlishiga umid qilaman. Rimda tugʻilgan, Rimda ulgʻaygan va butun umri davomida, abadiy «Roma»ni tanlaydigan yangi Tottini.
Boshqa tomondan, bu libosni dunyoning narigi chekkasidan kelib, maʼlum bir muddat qolib, keyin ketib qoladigan futbolchiga berish — butunlay boshqa masala. Bu — juda muhim va ahamiyatli ramz. Uni «Roma»da kamida nazariy jihatdan 15–20 yil oʻynashi mumkin boʻlgan insongagina ishonib topshirish mumkin», — deb yozadi rimliklar sobiq sardori xotiralarida.
Muxlislar bu yangilikni Telegram’da muhokama qilmoqda
Izohlar Telegram’da ochiladi