«Ювентус» футболчиси Кенан Йилдиз «Сассуоло»га қарши ўйин (1:1)да ҳисобни очди.
Шу тариқа, 20 ёшли туркиялик футболчи туринликлар тарихида 21 ёшгача бўлган футболчилар орасида А Серияда 10 та гол урган илк легионерга айланди. Агар италиялик футболчилар ҳам ҳисобга олинса, Йилдиз ушбу кўрсаткич бўйича «Ювентус» тарихида 7-футболчи бўлди.
«Зебралар» сафида А Серияда 21 ёшгача бўлган ҳолда камида 10 та гол урган сўнгги футболчи Роберто Беттега бўлган (1970/71 мавсумда 13 та гол). Қайд этиш лозим, айни вақтда Турин клуби чемпионатда 54 очко билан 5-ўринни эгаллаб турибди.
