Италия А Сериясининг август-сентябр ойлари якунлари бўйича энг яхши футболчи аниқланди. Ушбу соврин «Рома» ҳужумчиси Дониэлл Маленга насиб этди.
Нидерландиялик футболчи Италия чемпионатининг ўтган беш турида 6 та гол урди. Мален «Фиорентина»га қарши баҳсда ҳет-трик қайд этган бўлса, «Лечче» дарвозасига 2 та ва «Торино»га қарши учрашувда 1 та гол урди.
Дониэлл ўз совринини 17 октябр куни «Рома» ва «Женоа» ўртасидаги учрашув олдидан қабул қилиб олади.
Маълумот учун, А Сериянинг дастлабки беш туридан сўнг «Рома» 13 очко билан «Интер» ва «Лацио» билан биргаликда турнир жадвали юқори қисмида бормоқда.
«Бўрилар» чемпионатдаги навбатдаги учрашувини 11 октябр куни сафарда «Комо»га қарши ўтказади.
Мален эса «Астон Вилла» жамоасидан Рим клубига ижара асосида келиб қўшилганди. Кейнчалик италияликлар унинг трансфер ҳуқуқларини тўлиқ сотиб олди.
