Нидерландия миллий жамоасининг собиқ футболчиси Рафаэл ван дер Ваарт «Бавария»га «Барселона» яримҳимоячиси Френки де Йонгни трансфер қилишни тавсия қилди.
«Барча ҳурматни сақлаган ҳолда айтганда, Йозуа Киммих ўзининг энг юқори формасидан тушадиган вақт келади. Френки эса «Бавария»ни янада кучли жамоага айлантира олади», — дея ван дер Ваартнинг сўзларидан иқтибос келтирди The Touchline.
Маълумот учун, 29 ёшли де Йонгнинг «Барселона» билан амалдаги шартномаси яна уч йилга мўлжалланган. Нидерландиялик футболчи бу мавсумда ҳали майдонга тушмади — у тизза жароҳатидан тикланиш жараёнини ўтказмоқда.
Агар футболчи учун топ жамоалардан таклиф бўлса, Каталония клуб нидерландиялик хавбекни қўйиб юборишга қарши эмас.
Transfermarkt портали футболчининг бозор қийматини 35 миллион еврога баҳоламоқда.
