Миллатлар лигаси. Қозоғистон Остонада Молдовага мағлуб бўлиб, гуруҳда сўнгги ўринга тушди

УЕФА Миллатлар лигаси 3-турида Қозоғистон миллий жамоаси яна очко йўқотди.

Остона шаҳрида ўтган баҳсда мезбонлар «К» гуруҳи доирасида Молдовани қабул қилиб, ютқазиб қўйди. Клешенко ва Попескунинг голларига Нурали Алип битта гол билан жавоб қайтарди – 1:2.

Молдоваликлар сафида «Динамо» легионери Михаил Штефан 76-дақиқада майдонга тушди ва жамоасининг ғалабасини сақлаб қолишда ёрдам берди.

Таъкидлаш керакки, Молдова бу натижа орқали 18 ўйиндан иборат ғалабасиз сериясига барҳам берди. Улар сўнгги марта 2024 йилда Андоррадан устун келишганди.

Молдова бу ғалабадан кейин «К» гуруҳида 4 очко билан 2-ўринга кўтарилди, Қозоғистон эса 1 очко билан сўнгги 4-ўринга тушди. Қозоқлар ўтган икки турда Фарер ороллари билан дуранг қайд этиб, Словакияга мағлубиятга учраганди.

Миллатлар лигаси. 2 октябр
С лигаси. K гуруҳи. 3-тур.
Қозоғистон – Молдова – 1:2
Голлар: Клешенко 45+1 (0:1), Попеску 50 (0:2), Алип 64 (1:2).

Маълумот учун, Қозоғистон 4-турда 6 октябр куни Фарер оролларини қабул қилса, Молдова Кишинёвда Словакияга қарши майдонга тушади.