Британиялик боксчи Энтони Жошуа Тайсон Фюрига қарши жанг анонсида нега рақибининг исми биринчи бўлиб ёзилганига изоҳ берди.
Жошуанинг айтишича, Фюрининг жамоаси шартномани имзолаш учун унинг исми биринчи кўрсатилишини талаб қилган. Жошуа эса узоқ кутилган жанг амалга ошмай қолмаслиги учун бу шартга рози бўлган.
«Мендан: «Фюрининг исми биринчи ёзилишига қаршимасмисан? Чунки агар шундай бўлмаса, у шартномани имзолашга тайёр эмас», деб сўрашди.
Мен эса: «Бу жангни яна йўқ қилишни истамайман», деб жавоб бердим», — деди Жошуа. Фюри эса рақибининг ушбу гапларини рад этди.
«Ёлғон. Саҳна ортида сизлар кичик қизлардек: «Менга бу керак, менга у керак», деб йиғладингиз. Бу жангдан қочиш учун қўлингиздан келган барча ишни қилдингиз.
Барча мумкин бўлган усуллардан фойдаландингиз», — деди Фюри. Маълумот ўрнида, Тайсон Фюри ва Энтони Жошуа ўртасидаги жанг 11 декабр куни Кардиффда бўлиб ўтади.
Аввалроқ ушбу жанг бекор қилиниши мумкинлиги маълум қилинганди.
