Полша миллий жамоаси ҳужумчиси Роберт Левандовски миллий жамоалар миқёсида урилган голлар сони бўйича тарихий рўйхатда соф 6-ўринга кўтарилди.
38 ёшли ҳужумчи Миллатлар Лигасида Руминияга қарши учрашувда ҳет-трик қайд этди. Полша ушбу баҳсда рақибини 6:0 ҳисобида мағлуб этди. Учта гол урган Левандовски миллий жамоадаги голлари сонини 92 тага етказди.
Шу тариқа, полшалик футболчи Малайзия миллий жамоаси собиқ ҳужумчиси Мухтор Даҳарини ортда қолдирди. Даҳари халқаро миқёсда 89 та гол урган.
Энди Левандовскидан юқорида Ромелу Лукаку (94), Сунил Четри (95), Али Дайи (108), Лионел Месси (125) ва Криштиану Роналду (146) жойлашган.
Левандовскига рўйхатдаги кейинги поғонада турган Белгия ҳужумчиси Лукакунинг натижасига етиб олиш учун яна 2 та гол керак. Полша етакчиси эса Руминияга қарши ҳет-трикдан сўнг миллий жамоалар тарихида камида 90 та гол урган саноқли футболчилар қаторидан жой олди.
