Тайсон Фюри ва Энтони Жошуа ўртасидаги кутилган бокс жанги амалга ошмай қолиши мумкин. Бу ҳақда журналист Крис Мэнникс хабар берди.
Маълум қилинишича, асосий муаммо UFC президенти Дана Уайтнинг жангни ташкил этиш жараёнида иштирок этиши билан боғлиқ. Турки Ал аш-Шайх Уайтни ушбу бокс оқшомига промоутер сифатида жалб қилишни режалаштирмоқда.
Бироқ Энтони Жошуа ва унинг промоутери Эдди Ҳирн бу ғояга қарши чиққан. Томонлар ўртасидаги ушбу келишмовчилик Фюри ва Жошуа жанги ташкил этилишига жиддий тўсиқ бўлиши мумкинлиги айтилмоқда.
Ҳозирча жангнинг расман бекор қилингани ҳақида маълумот йўқ ва музокаралар қандай якунланиши номаълум.
Эслатиб ўтамиз, икки британиялик оғир вазн юлдузи ўртасидаги жанг 11 декабр куни Уэлснинг Кардиф шаҳрида ўтказилиши режалаштирилган. Фюри ва Жошуа ўртасидаги тўқнашув бокс оламида узоқ вақтдан бери кутилаётган энг йирик жанглардан бири ҳисобланади.
Аввалроқ Фюри Жошуа билан жанг ташкиллаштирилмаса, фалиятини якунлашини билдирганди.
