Супер оғир вазн тоифасида WBC, WBO, IBO, WBA Super, The Ring ва IBF версиялари бўйича собиқ жаҳон чемпиони, британлик Тайсон Фюри агар унинг кейинги рақиби ҳамюрти Энтони Жошуа бўлмаса, боксдаги фаолиятини якунлаш нияти борлигини билдирди.
«Келинг, жангни ташкил қилайлик. Масала шунда. Агар кейинги рақиб Энтони Жошуа бўлмаса, бокс мен учун аҳамиятсиз бўлиб қолади. Вазним 190 кг бўлгунича мингта пасха тухумини еб қўяман. Йўқ, мен бунга рози эмасман. Мен кетаман. Бу мен учун қизиқ эмас. Ё у ёки мен яна кетаман.
Менга умидли ёш боксчилар, ўзини исботлашга уринаётганлар қизиқ эмас. Рейтинглар ҳам, камарлар ҳам қизиқ эмас. Менга фақат Эй Жей (Жошуа) керак. Бу — Британия бокси учун ҳал қилувчи жанг», — деди Фьюри ESPN’га.
Аввалроқ Тайсон ҳамюртини жангга чорлаган ва Энтони ҳам бунга розилик билдирганди.
