Супер оғир вазнда IBF, WBA, WBO ва IBO камарлари бўйича собиқ жаҳон чемпиони, британиялик Энтони Жошуа ҳамюрти Тайсон Фюри билан жанг қилишга тайёрлигини билдирди.
«Турки яна баъзи ишларни тугатиши керак, кейин келаси ойда нима бўлишини кўрамиз. Фюри — Маҳмудов жангини кўрганимдан сўнг шуни айта оламанки, Тайсон билан жанг мен учун шунчаки тайёргарлик жангига айланиши мумкин. Ва ўзимни тайёр деб ҳис қилаяпман. Унинг жағини синдирмоқчиман.
Мен ҳеч кимдан қочмайман. Фақат ҳаётимда жиддий воқеалар содир бўляпти. Ўзимга эътибор қаратаман, чунки жиддий ва жуда кучли жангчиман. Фюрини урсам, унга осон бўлмайди. Бироз танаффус қилиб, ўзим учун энг яхши бўлган ишни қилишим керак. Оилам билан боғлиқ айрим масалаларни ҳал қиляпман. Бундай ҳолатда миллион марта бўлганман. Ростини айтсам, рингга қайтмагунимча, жанг бўлмайди. Мен аллақачон Уайлдер ва Фюри билан уч ёки тўрт марта жанг қилишим керак эди», — дея 36 ёшли боксчининг сўзларини келтиради The Ring.
Аввалроқ Фюри Маҳмудов устидан ғалабадан сўнг Жошуани жангга чорлаганди.
