Badiiy gimnastika bo‘yicha O‘zbekiston milliy jamoasi a’zosi Taxmina Ikromova Aichi-Nagoya-2026 Osiyo o‘yinlarida navbatdagi oltin medalni qo‘lga kiritdi. Bu haqda O‘zbekiston Milliy olimpiya qo‘mitasi matbuot xizmati xabar berdi.
Hamyurtimiz yakkalik ko‘pkurash dasturining final bosqichida ishtirok etib, yuqori mahorat namoyish etdi. Ikromova hal qiluvchi bahslar yakunida jami 112.950 ball to‘plab, barcha raqibalarini ortda qoldirdi va shohsupaning eng yuqori pog‘onasidan joy oldi.
Ushbu muvaffaqiyat Taxmina Ikromova uchun Osiyo o‘yinlaridagi uchinchi oltin medal bo‘ldi. Shu tariqa, O‘zbekiston milliy jamoasi yetakchilaridan biri musobaqaning uch karra chempioniga aylandi.
Ikromovaning navbatdagi g‘alabasi O‘zbekiston delegatsiyasi hisobini yana bir oltin medal bilan boyitdi. Gimnastikachimiz Aichi-Nagoya-2026 musobaqasida ham o‘zining qit’adagi yetakchi sportchilardan biri ekanini yana bir bor namoyish etdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi