«Xorazm» klubi O‘zbekiston chempionati yuqori divizionidagi 300-uchrashuvini o‘tkazdi. Bu haqda O‘zPFL matbuot xizmati xabar berdi.
Jamoa uchun «Qizilqum»ga qarshi kechgan bahs tarixiy ahamiyat kasb etdi. Bu uchrashuv «Xorazm»ning mamlakat chempionati yuqori divizionidagi yubiley 300-o‘yini sifatida tarixdan joy oldi.
«Xorazm» shu paytga qadar o‘tkazgan 300 ta uchrashuvida 74 marta g‘alaba qozongan va 56 ta bahsda durang qayd etgan. Shuningdek, jamoa 170 ta qarama-qarshilikda mag‘lubiyatga uchragan.
Klub bu uchrashuvlarda raqiblar darvozasiga jami 332 ta gol urgan. «Xorazm» darvozasidan esa 589 ta to‘p o‘tkazib yuborilgan. Shu tariqa, jamoaning to‘plar nisbati 332:589 ko‘rinishida.
Ma’lumot o‘rnida, «Qizilqum»ga qarshi uchrashuv (1:3) «Xorazm» tarixida O‘zbekiston chempionati yuqori divizionidagi navbatdagi muhim yubiley sifatida qayd etildi.
