Italiya milliy jamoasi bosh murabbiyligiga qaytgan Roberto Manchini o‘z oldiga yuksak maqsadlar qo‘yganini ma’lum qildi.
«Men yana chempion bo‘lish uchun qaytdim. Ixtiyorimda tajriba va yoshlikning g‘alabaga olib keladigan uyg‘unligi bor. Biroq muvaffaqiyatga erishish uchun biz, eng avvalo, yaxshi futbol o‘ynaydigan va bundan zavq oladigan jamoa bo‘lishimiz kerak», — dedi Manchini.
Ma’lumot o‘rnida, Italiya milliy jamoasi so‘nggi yirik muvaffaqiyatiga aynan Manchini boshchiligida erishgan. «Moviy gvardiya» 2021-yilda Yevropa chempioni bo‘lgandi.
Keyinchalik Manchini Italiya milliy jamoasini tark etdi. Undan so‘ng jamoani Luciano Spalletti va Gennaro Gattuso boshqardi.
Endi esa Roberto yana Italiya milliy jamoasi boshqaruviga qaytib, jamoa bilan yangi muvaffaqiyatlarga erishishni maqsad qilgan.
Avvalroq Italiyaning Millatlar Ligasi uchun qaydnomasi e’lon qilingandi.
