Италия миллий жамоаси бош мураббийлигига қайтган Роберто Манчини ўз олдига юқори мақсадларни қўйганини маълум қилди.
«Мен яна чемпион бўлиш учун қайтдим. Ихтиёримда тажриба ва ёшликнинг ғолибликка олиб келадиган уйғунлиги бор. Бироқ муваффақиятга эришиш учун биз, энг аввало, яхши футбол ўйнайдиган ва бундан завқ оладиган жамоа бўлишимиз керак», — деди Манчини.
Маълумот ўрнида, Италия миллий жамоаси сўнгги йирик муваффақиятига айнан Манчини бошчилигида эришган. «Мовий гвардия» 2021 йилда Европа чемпионати ғолиби бўлганди.
Кейинчалик Манчини Италия миллий жамоасини тарк этди. Ундан сўнг жамоани Лучано Спаллетти ва Женнаро Гаттузо бошқарди.
Энди эса Роберто яна Италия миллий жамоаси бошқарувига қайтиб, жамоа билан янги муваффақиятларга эришишни мақсад қилган.
Аввалроқ Италиянинг Миллатлар Лигаси учун қайдномаси эълон қилинганди.
