Бразилия миллий жамоаси бош мураббийи Карло Анчелотти Италия футболида юқори савияли футболчилар авлодини етиштириш билан боғлиқ муаммо борлиги ҳақида фикр билдирди.
«Менимча, Италия сўнгги йилларда жаҳон даражасидаги кучли футболчилар авлодини етиштира олмади.
Шу сабабли, масалан, ҳозир Италиянинг етакчи клублари «Милан», «Интер» ва «Ювентус»да юқори савияли италиялик ҳужумчи йўқ.
Менимча, Италия кейинги жаҳон чемпионатида иштирок этиши керак. Ҳозирги U-20 ва U-17 авлоди Европада жуда яхши натижалар кўрсатмоқда.
Ишончим комилки, янги авлод яхшироқ бўлади ва Италия кейинги жаҳон чемпионатига чиқа олади», — деди Анчелотти.
Аввалроқ италиялик мутахассис «Реал» машғулотларига ташриф буюргани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади