Неймар Филипп Коутинонинг «Сантос»га ўтганини клубнинг ўзидан олдинроқ маълум қилгандек бўлди. 433 нашри футболчилар «Сантос» қароргоҳида учрашган видео эълон қилди.
«Агар бу туш бўлса, уйғонишни хоҳламайман. Мен сени қучоқлаб, ғамхўрлик қилиш учун шу ердаман. Ўзингни уйдагидек ҳис қил!» — деди Неймар.
Эслатиб ўтамиз, Коутино «Сантос» сафига эркин агент сифатида қўшилади. Аввалроқ футболчи клуб билан ушбу йил охиригача шартнома имзолаши ҳақида хабар берилганди.
Маълумот учун, Неймар ва Коутино клуб миқёсида бирга ўйнамаган. Улар фақат Бразилия миллий жамоасида бирга тўп тепган.
