Мёнхенгладбахнинг «Боруссия» клуби Ойген Поланскининг жамоа бош мураббийи лавозимини тарк этганини расман эълон қилди. Бу Германия Бундеслигасида 2026/27 йилги мавсумдаги илк мураббий истеъфоси бўлди.
Полански «Фрейбург»га қарши сафардаги баҳсда 0:5 ҳисобидаги мағлубиятдан бир кун ўтиб истеъфога чиқарилди. «Боруссия» ушбу натижадан сўнг Бундеслигада очкосиз ҳолда турнир жадвалининг сўнгги поғонасида бормоқда.
Эслатиб ўтамиз, Полански «Боруссия» бош мураббийи лавозимига ўтган йилнинг ноябрида тайинланган эди. Бунгача у жамоада вақтинчалик бош мураббий сифатида ишлаган, ундан аввал эса клубнинг ёшлар ва ўсмирлар жамоаларини бошқарган.
Маълумот учун, «Боруссия» навбатдаги баҳсини 19 сентябр куни ўз майдонида «Майнц»га қарши ўтказади.
