«Пахтакор» мураббийи Эмилиан Карас Саудия Арабистонининг «Ал Аҳли» клубига қарши баҳс олдидан жамоанинг тайёргарлиги ҳақида гапирди.
«Биз мусобақанинг гуруҳ босқичини бошлаётганимиздан хурсандмиз. Жиддага узоқ парвоз билан етиб келдик. Жамоамиз ўйинга яхши тайёрланди. «Ал Аҳли»нинг кучли клуб эканини биламиз. Уларнинг сафида юқори савияли футболчилар кўп. Шунга қарамай, эртага яхши ўйин намойиш этишга интиламиз. Бир мақсад сари якдил жамоага айланамиз. Ижобий натижага эришиш учун ҳаракат қиламиз», — деди Карас.
«Пахтакор» яримҳимоячиси Иброҳим Ибрагимов ҳам рақибга қарши баҳс осон бўлмаслигини таъкидлади.
«Элит Чемпионлар лигасининг гуруҳ ўйинлари бошланаётгани билан барчани табриклайман. Рақибимизни яхшилаб ўрганиб чиқдик. Эртанги беллашув биз учун осон бўлмайди. «Ал Аҳли» жуда кучли жамоа. Лекин биз майдонда боримизни берган ҳолда ижобий натижага эришиш учун уринамиз», — деди Ибрагимов.
Маълумот учун, «Пахтакор» «Ал Аҳли»га қарши баҳсни Элит Чемпионлар лигаси гуруҳ босқичи илк тури доирасида ўтказади.
Foto: Pakhtakor FC
Мухлислар бу янгиликни Telegram’да муҳокама қилмоқда
Изоҳлар Telegram’да очилади