Neymar Filipp Koutinoning «Santos»ga o‘tganini klubning o‘zidan oldinroq ma’lum qilgandek bo‘ldi. 433 nashri futbolchilar «Santos» qarorgohida uchrashgan video e’lon qildi.
«Agar bu tush bo‘lsa, uyg‘onishni xohlamayman. Men seni quchoqlab, g‘amxo‘rlik qilish uchun shu yerdaman. O‘zingni uydagidek his qil!» — dedi Neymar.
Eslatib o‘tamiz, Koutino «Santos» safiga erkin agent sifatida qo‘shiladi. Avvalroq futbolchi klub bilan ushbu yil oxirigacha shartnoma imzolashi haqida xabar berilgandi.
Ma’lumot uchun, Neymar va Koutino klub miqyosida birga o‘ynamagan. Ular faqat Braziliya milliy jamoasida birga to‘p tepgan.
