«An Nasr» hujumchisi Krishtianu Ronaldu «Al Halij»ga qarshi Saudiya Arabistoni chempionatining 7-tur bahsidan so‘ng ijtimoiy tarmoqdagi sahifasida yangi post qoldirdi. Bahs 1:1 hisobidagi durang bilan yakunlandi.
«Biz oldinga qarab harakat qilishda davom etamiz. Birgalikda katta kuchmiz!», — deb yozdi 41 yoshli futbolchi.
Ma’lumot uchun, Ronaldu ushbu mavsum Saudiya Arabistoni chempionatida 6 ta bahsda maydonga tushib, 3 ta gol urgan. Uning «An Nasr» bilan shartnomasi 2027 yilning o‘rtalarigacha amal qiladi.
Eslatib o‘tamiz, «An Nasr» 16 ochko bilan turnir jadvalida 3-o‘rinda bormoqda.
