«Real» shanba kuni Madrid derbisida «Rayo Valyekano»ni 4:1 hisobida mag‘lub etdi. Hujumchi Endrik bahs uchun qaydnomadan joy olgan bo‘lsa-da, maydonga tushmadi.
Braziliyalik futbolchi «Real»ning so‘nggi ikki bahsida ham 90 daqiqani zaxira o‘rindig‘ida o‘tkazdi. Avvalroq esa mushaklaridagi muammo sabab jamoa qaydnomasiga kiritilmagandi.
Shu bilan birga, shanba kungi bahs vaqtida Endrikning zaxira o‘rindig‘idagi holati aks etgan suratlar ijtimoiy tarmoqlarda tarqaldi. The Touchline nashri ham ushbu suratlarni e’lon qildi. Kadrlarda 20 yoshli hujumchining maydonga tushish imkoniyatiga ega bo‘lmayotganidan norozi ekani ko‘rinadi.
Eslatib o‘tamiz, Endrik 2024 yildan buyon «Real» safida o‘ynamoqda.
