«Manchester Siti» hujumkor yarimhimoyachisi Antuan Semenyo jamoasining APLda peshqadam bo‘lib turgani haqida fikr bildirdi.
«Yangi murabbiy bilan hali unchalik ko‘p vaqt ishlaganimiz yo‘q, ammo ishlar hozirdan yaxshi ketmoqda.
Jamoa g‘alaba qozonyapti va rivojlanishda davom etyapti. Barcha futbolchilar o‘zlarini ajoyib his qilishmoqda.
Hozir «Manchester Siti» aynan o‘z joyida. Biz bo‘shashish niyatida emasmiz, chunki oldimizda hali uzoq yo‘l bor.
G‘alaba qozonishda davom etishni istaymiz», — deya Semenyoning so‘zlarini keltiradi The Mirror nashri.
Ma’lumot o‘rnida, «Manchester Siti» Angliya chempionatida 15 ochko jamg‘arib, turnir jadvalida peshqadamlik qilmoqda. «Shaharliklar» eng yaqin ta’qibchisi «Arsenal»ni 3 ochkoga ortda qoldirmoqda.
Jamoa yangi bosh murabbiy qo‘l ostida chempionatni muvaffaqiyatli boshladi va hozircha yuz foizlik natija qayd etib kelmoqda.
Avvalroq «Manchester Siti» bir transfer oynasidagi xarajatlar bo‘yicha jahon rekordini o‘rnatgani ma’lum qilingandi.
