«Bavariya» hujumchisi Garri Keyn faoliyatini Myunxen klubida davom ettirishni istamoqda. Bu haqda Football Insider xabar berdi.
«Manchester Yunayted» tomonidan qiziqish kuchayib borayotganiga qaramay, 33 yoshli hujumchining asosiy maqsadi — «Bavariya»da qolish. Keyn Myunxenda o‘zini baxtli his qilmoqda va klub bilan yangi uch yillik shartnoma borasida muzokaralarni davom ettiryapti.
Ma’lumot o‘rnida, «Manchester Yunayted» Keyn «Tottenhem»da o‘ynagan paytida ham uni sotib olishga harakat qilgan. Biroq «taqachilar» rahbariyati hujumchini APLdagi to‘g‘ridan-to‘g‘ri raqibiga sotishni istamagan. Shundan so‘ng hujumchi «Bavariya»ga ko‘chib o‘tgandi.
Keyn ushbu mavsum barcha musobaqalar doirasida 7 ta uchrashuvda maydonga tushib, 6 ta gol urdi va 1 ta assist amalga oshirdi.
Avvalroq Garri The Athletic talqiniga ko‘ra «Oltin to‘p»ga asosiy da’vogar ekani ma’lum qilingandi.
