Rossiyalik murabbiy Aleksandr Tarxanov O‘zbekiston milliy jamoasining JCH-2026dagi ishtiroki haqida fikr bildirdi.
«Ularga e'tiroz bildirish mumkin emas. O‘zbekiston ilk bor Jahon chempionatiga yo‘l oldi. Mundialda ishtirok etishning o‘zi katta yutuq. Jamoa muhim tajriba orttirdi va keyingi Jahon chempionatiga yanada yaxshiroq tayyor bo‘ladi.
Ammo bu safar pley-offga chiqishlari qiyin. Ular juda ko‘p gol o‘tkazib yuborishdi», — dedi Tarxanov «Match TV» telekanaliga.
Eslatib o‘tamiz, O‘zbekiston milliy jamoasi guruh bosqichidagi dastlabki ikki uchrashuvda Kolumbiyaga 1:3 va Portugaliyaga 0:5 hisobida mag‘lub bo‘ldi.
Fabio Kannavaro shogirdlari so‘nggi turda Kongo DRga qarshi maydonga tushadi. Oq bo'rilar pley-off uchun nazariy imkoniyatlarini saqlab qolgan bo‘lsa-da, to‘plar nisbatidagi salbiy farq vazifani ancha murakkablashtirib yuborgan.
