Россиялик мураббий Александр Тарханов Ўзбекистон миллий жамоасининг ЖЧ-2026даги иштироки ҳақида фикр билдирди.
«Уларга эътироз билдириш мумкин эмас. Ўзбекистон илк бор Жаҳон чемпионатига йўл олди. Мундиалда иштирок этишнинг ўзи катта ютуқ. Жамоа муҳим тажриба орттирди ва кейинги Жаҳон чемпионатига янада яхшироқ тайёр бўлади.
Аммо бу сафар плей-оффга чиқишлари қийин. Улар жуда кўп гол ўтказиб юборишди», — деди Тарханов «Матч ТВ» телеканалига.
Эслатиб ўтамиз, Ўзбекистон миллий жамоаси гуруҳ босқичидаги дастлабки икки учрашувда Колумбияга 1:3 ва Португалияга 0:5 ҳисобида мағлуб бўлди.
Фабио Каннаваро шогирдлари сўнгги турда Конго ДРга қарши майдонга тушади. Оқ бўрилар плей-офф учун назарий имкониятларини сақлаб қолган бўлса-да, тўплар нисбатидаги салбий фарқ вазифани анча мураккаблаштириб юборган.
