Argentina milliy jamoasi bosh murabbiyi Lionel Skaloni jahon chempionati finalida Ispaniyaga mag‘lub bo‘lgach, muxlislarga murojaat yo‘lladi.
Mutaxassis ijtimoiy tarmoqlardagi sahifasida jamoa yana bir bor chempionlikni qo‘lga kirita olmagani uchun uzr so‘radi va futbolchilarining fidoyiligini alohida e’tirof etdi.
«Sizlarga yana bir kubokni olib kela olmaganimiz va yangi quvonch ulasha olmaganimiz uchun uzr so‘rayman. Ammo men sizlardan ushbu futbolchilar guruhining — mening jangchilarimning — maydondagi mehnati, ishonchi va oxirigacha kurashganini eslab qolishingizni istayman. Mana shu haqiqiy sovrindir», — dedi Skaloni.
Murabbiy, shuningdek, murabbiylar shtabi, futbolchilar, Argentina futbol assotsiatsiyasi xodimlari va muxlislarga ko‘rsatgan qo‘llab-quvvatlovi uchun minnatdorlik bildirdi.
Eslatib o‘tamiz, Argentina milliy jamoasi 2026 yilgi jahon chempionati finalida qo‘shimcha bo‘limlarda Ispaniyaga 0:1 hisobida imkoniyatni boy bergandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi