Аргентина миллий жамоаси бош мураббийи Лионел Скалони жаҳон чемпионати финалида Испанияга мағлуб бўлгач, мухлисларга мурожаат йўллади.
Мутахассис ижтимоий тармоқлардаги саҳифасида жамоа яна бир бор чемпионликни қўлга кирита олмагани учун узр сўради ва футболчиларининг фидойилигини алоҳида эътироф этди.
«Сизларга яна бир кубокни олиб кела олмаганимиз ва янги қувонч улаша олмаганимиз учун узр сўрайман. Аммо мен сизлардан ушбу футболчилар гуруҳининг — менинг жангчиларимнинг — майдондаги меҳнати, ишончи ва охиригача курашганини эслаб қолишингизни истайман. Мана шу ҳақиқий совриндир», — деди Скалони.
Мураббий, шунингдек, мураббийлар штаби, футболчилар, Аргентина футбол ассоциацияси ходимлари ва мухлисларга кўрсатган қўллаб-қувватлови учун миннатдорлик билдирди.
Эслатиб ўтамиз, Аргентина миллий жамоаси 2026 йилги жаҳон чемпионати финалида қўшимча бўлимларда Испанияга 0:1 ҳисобида имкониятни бой берганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади