Бу ҳақда Франция футбол Федерацияси ўзининг расмий сайти орқали хабар берди.
Афсонавий Зинедин Зидан Франция миллий жамоасининг янги бош мураббийи этиб расман тайинланди.
Мураббий бу лавозимда ватандоши Диде Дешамни алмаштирди.
Аввалроқ Зиданнинг миллий жамоа билан шартномаси 2030 йилги жаҳон чемпионатигача, яъни тўрт йилга мўлжалланиши хабар қилинган эди.
Маълумот учун, Зинедин Зидан бош мураббий сифатида Мадриднинг «Реал» клубида ишлаб, тарихда кетма-кет уч марта Чемпионлар лигаси кубогини қўлга киритган биринчи мураббий бўлганди.
Эслатиб ўтамиз, жаҳон чемпионатида Франция миллий жамоаси яримфиналда бўлажак чемпион Испанияга, учинчи ўрин учун баҳсда эса Англия миллий жамоасига имкониятни бой бериб, тўртинчи ўринни эгаллади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади