17 ёшли қозоғистонлик ҳужумчи Дастан Сатпаев бугун, 28 июль куни «Челси» сафида «Вестерн Сидней Уондерерс»га қарши ўртоқлик учрашувида дебют қилди.
Ҳужумчи ўйинни асосий таркибда бошлади. Баҳс Сиднейдаги «Аккор» стадионида бўлиб ўтмоқда. Ҳозирча ҳисоб 3:3. Лондон клубининг биринчи голини Сатпаев киритди.
Қозоғистонлик футболчи Дастанга янги жамоаси сафида илк голини уриш учун 7 дақиқадан камроқ вақт етарли бўлди. Шу тариқа, у «Челси» сафидаги голлари учун ҳисобни очди.
Сатпаев 2026 йилнинг ёзида «Қайрат»дан «Челси» сафига кўчиб ўтди.
Машҳур Transfermarkt портали футболчининг актуал трансфер қийматини 3,5 миллион еврога баҳоламоқда.
Эслатиб ўтамиз, «Челси» 2025/2026-йилги мавсумда 38 ўйинда 52 очко жамғариб, Англия Премер-лигасида 10-ўринни эгаллади. «Вестерн Сидней Уондерерс» ўтган мавсум якунларига кўра Австралия А-лигаси гуруҳ босқичи жадвалида охирги (12-ўрин) ўринни эгаллади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади