«Атлетико» «Челси» яримҳимоячиси Энцо Фернандес учун курашга қўшилди ва бу борада «Манчестер Сити»га рақобатчи бўлди.
«Матрасчилар» бош мураббийи Диего Симеоне 25 ёшли аргентиналик футболчининг ўйинига анча вақтдан бери юқори баҳо бериб келади. Бироқ «Челси» Энцони фақатгина 120 миллион евро эвазига қўйиб юборишга тайёр.
«Манчестер Сити» эса таркибда вариантларни кўпайтириш учун универсал яримҳимоячи изламоқда. Шу билан бирга, «Атлетико» Энцо Фернандесни фаолияти якунига яқинлашаётган Кокенинг узоқ муддатли ўринбосари сифатида кўрмоқда.
Айни пайтда ҳар икки клуб ҳам ушбу трансфернинг молиявий жиҳатдан қанчалик маъқул келишини баҳоламоқда. Аввалроқ Фернандеснинг «Челси»да қолиши мумкинлиги маълум қилинганди.
