Бу ҳақда журналист ва инсайдер Саша Таволери ўзининг X тармоғидаги саҳифасида хабар берди.
Франция миллий жамоаси ва «Пари Сен-Жермен» клуби яримҳимоячиси Усмон Дембеле «Ал Ҳилол»нинг шу ёзда трансфер бўйича фойдали таклифини рад этди.
Манбанинг маълумотларига кўра, 2025 йилдаги «Олтин тўп» соҳиби «ПСЖ» билан янги битим имзолаши кутилмоқда.
2025/2026-йилги мавсумда Дембеле барча мусобақаларни инобатга олганда 40 та ўйинда майдонга тушиб, 20 та гол урди ва 11 та голли узатма етказиб берди. ЖЧ-2026да Усмон 8 та ўйинда иштирок этиб, улардан 7 тасида асосий таркибда майдонга тушди, 6 та гол урди ва 2 та голли узатма етказиб берди.
Футболчининг парижликлар билан амалдаги шартномаси 2028 йил ёзигача мўлжалланган.
Transfermarkt портали футболчининг актуал трансфер нархини 100 млн еврога баҳоламоқда.
