Паредес: «Мундиал пайти ва ундан кейинги гапларни эшитиб, ақлдан озиш мумкин. Испания — ҳақли чемпион»

Аргентина миллий жамоаси яримҳимоячиси Леандро Паредес ЖЧ-2026 финал баҳси атрофидаги фитна назариялари ҳақида фикр билдирди.

Ҳал қилувчи ўйинда «албиселесте» қўшимча бўлимларда Испанияга 0:1 ҳисобида мағлуб бўлди.

«Мен эшитаётган гапларга асослансак, ақлдан озиш мумкин. Мундиалдан олдин, чемпионат давомида ва ундан кейин айтилган барча гаплар...

Менимча, биз ажойиб жаҳон чемпионатини ўтказдик.

Финалда Испания Аргентинадан кучлироқ эди. Бу — ҳақли ғолиб.

Ҳозир биз қила оладиган ягона иш — қилган меҳнатимиздан ва саккиз йил давомида эришган ютуқларимиздан завқланиш. Бу жуда таъсирли.

Бу натижаларнинг бир қисми бўлганимдан мамнунман. Вақт ўтиши билан биз буни янада яхшироқ. англаймиз, чунки бу ишониб бўлмайдиган даражада ажойиб», — деди 32 ёшли футболчи «Бока Хуниорс»нинг «О’Ҳиггинс»га (1:0) қарши Копа Судамериканадаги ўйинидан кейин. Ушбу баҳсда Леандро битта голли узатмани амалга оширди.