Норвегия футбол ассоциацияси ЖЧ-2026 вақтида юзага келган Фоларин Балогун иши бўйича ФИФА Этика қўмитасига расмий шикоят тайёрламоқда. Бу ҳақда Тhe Times журналисти Мартин Зиглер хабар берди.
Гап АҚШ миллий жамоаси ҳужумчиси Фоларин Балогуннинг дисквалификацияси билан боғлиқ воқеа ҳақида кетмоқда. Футболчи 1/16 финалда Босния ва Ҳерцеговинага қарши баҳсда (2:0) қизил карточка олганди. Бироқ унинг четлатилиши бир йиллик синов муддати билан тўхтатиб турилди ва натижада Балогун Белгия билан бўлиб ўтган 1/8 финал баҳсида (1:4) майдонга тушди.
Кейинчалик АҚШ президенти Доналд Трамп ушбу жараёнда шахсан иштирок этганини тасдиқлади.
Аввалроқ ОАВда Трамп ФИФА президенти Жанни Инфантинони Балогуннинг дисквалификациясини бекор қилишга кўндирганига оид хабарлар тарқалганди.
