Осиё ўйинлари. Ўзбекистон U-23 миллий жамоасининг гуруҳ босқичидаги рақиблари маълум

Футбол бўйича Ўзбекистон U-23 миллий жамоасининг Осиё ўйинлари гуруҳ босқичидаги рақиблари маълум бўлди.

Японияда бўлиб ўтадиган XX Осиё ўйинларида ўзбекистонликлар C гуруҳидан жой олди. Шунингдек, Виетнам, Филиппин ва Кувайт U-23 миллий жамоалари ҳам ушбу квартетда кейинги босқич йўлланмаси учун кураш олиб боради.

Эслатиб ўтамиз, Японияда ўтказилиши кўзда тутилган Осиё ўйинлари 15 сентябрдан 3 октябрга қадар бўлиб ўтади. Аввалроқ Ўзбекистон U-23 миллий жамоаси Словенияда АҚШни мағлуб этгани маълум қилинганди.