«Атлетико» собиқ ҳужумчиси Анхел Корреа Мексикада «Тигрес» жамоасидан кетиш истаги сабаб таҳдидларга дуч келди. Бу ҳақда журналист Алан Фалабрино ўзининг X ижтимоий тармоғидаги аккаунтида маълум қилди.
Инсайдер маълумотларига кўра, аргентиналик ҳужумчи «Ривер Плейт» клубига ўтиш арафасида ва клуб мухлисларининг таҳдидлари туфайли Мексикани тарк этган. Шу билан бирга, «Тигрес» раҳбарияти Корреанинг трансфери шартларига ўзгартишлар киритган, шу сабабли ўтиш амалга ошмаслиги ҳам мумкин. Бундай ҳолатда футболчи шартномани бекор қилишга ҳаракат қилади.
Анхель Корреа 2015 йилдан 2025 йилгача «Атлетико» сафида тўп тепган. Аргентиналик футболчи 10 йил давомида Мадрид клуби таркибида барча мусобақаларда 444 та ўйин ўтказиб, 85 та гол урган. Шунингдек, у Диего Симеоне бошчилигидаги жамоа билан 2020/2021 йилги мавсумда Ла Лига, Европа лигаси ва УЕФА суперкубоги ғолиблигини қўлга киритган. Бундан ташқари, Аргентина миллий жамоаси ҳужумчиси 2022 йилги Жаҳон чемпионатида ғолиб чиққан.
Корреа «Тигрес» мухлислари томонидан таҳдидларга учради
Футбол
24 июл, 03:16
«Атлетико» собиқ ҳужумчиси Мексика клубидан кетиш истаги сабаб босим остида қолди.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади