UFC жангчиси Богдан Гусков Магомед Анкалаевни ярим оғир вазн тоифасидаги энг кучли рақиб деб атади ва у билан жанг ҳаётини ўзгартириши мумкинлигини айтди.
«Яхши янгиликни қабул қилиш учун менга вақт керак эмас. Менежерим Магомед билан жанг қилиш имконияти борлигини айтганида, унга: «Эҳтимол, бу жанг менинг фаолиятим ва ҳаётимни ўзгартиради», дедим. Биз тайёргарлик йиғинини уч раундлик жанг учун режалаштиргандик. Энди беш раундда нима бўлишини кўрамиз — бу мен учун илк тажриба.
Анкалаевга қарши жанг Блахович билан жангдан ҳам қизиқроқ. Магомед рейтингда биринчи ўринда туради. Бу — ҳақиқий даражамни кўрсатиб берадиган синов. Мен 33 ёшдаман, кутиб ўтиролмайман. Менга фақат рақибнинг номи ва жанг ўтказиладиган жой керак.
Анкалаев — бизнинг вазн тоифамиздаги энг кучли жангчи. Унинг Перейрага қарши мағлубиятига келсак, бу шунчаки омадсиз кун эди. Магомед ҳали ҳам жуда хавфли ва кучли жангчи бўлиб қолмоқда.
Бир рақиб вазн ташлашим керак дейди, бошқаси парвоз узоқлигини баҳона қилади, яна бири эса кино кўриб пляжга боришни хоҳлайди. Менга эса ҳеч нарса керак эмас — фақат рақибнинг номи ва жанг жойи. Ҳаётимни ўзгартиришга ҳаракат қиламан», — деди ўзбекистонлик жангчи.
Магомед Анкалаев ва Богдан Гусков ўртасидаги тўқнашув 25 июл куни Абу-Дабида бўлиб ўтадиган UFC турнирининг асосий жанги бўлади.
Гусков: «Анкалаев билан жанг фаолиятим ва ҳаётимни ўзгартиради»
MMA
24 июл, 01:07
Ўзбекистон вакилининг фикрича, бўлажак жанг унинг ҳақиқий даражасини кўрсатиб беради.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади