Ямал: «Мессининг финалдан сўнг айтган гаплари бўйнимдаги медал каби қадрли»

Испания миллий жамоаси ва «Барселона» вингери Ламин Ямал 2026 йилги Жаҳон чемпионати финалидан кейин Лионел Месси билан бўлган суҳбати ҳақида гапирди.

Жаҳон чемпионати финалида Испания қўшимча бўлимларда Ферран Торрес урган гол эвазига Аргентинани 1:0 ҳисобида мағлуб этди.

Финал ҳуштаги чалингач, Ямал Месси олдига бориб, у билан қўл бериб кўришди ва самимий қучоқлашди.

«Агар бир неча йил аввал кимдир менга Лео Мессига қарши ўйнаб, Жаҳон чемпионлигини қўлга киритишимни айтганида, уни ақлдан озган деб ўйлардим.

У — футбол тарихидаги энг буюк ўйинчи ва мен доимо унга ҳавас билан қараганман. Ўйиндан кейин унга бўлган ҳурматимни изҳор қилдим. Месси эса менга ўз йўлимдан боришимни, келажак бизнинг авлод қўлида эканини айтди. Бу сўзлар бўйнимдаги олтин медал каби қадрли», — дея Ямалнинг сўзларини келтиради Marca.