«Барселона» клуби ва Испания миллий жамоаси яримҳимоячиси Дани Олмо 2026 йилги Жаҳон чемпионати финалидан (1:0) кейин унинг юзига урган Аргентина мураббийи Роберто Айяланинг чин дилдан пушаймон бўлганига ишонмаяпти.
Аввалроқ Айяла қилган иши учун Олмодан узр сўраб шундай деган эди: «Ҳиссиётлар жуда кучайиб кетганди, лекин бу менга оқлов бўла олмайди».
Олмо эса жавобан фикр билдирди: «Агар инсон пушаймонман деса-ю, лекин шу билан бирга урганини менинг гўё қандайдир гапларимга жавоб бўлганини айтиб оқласа, демак, у аслида қилган ишидан чин дилдан афсусланмаётган бўлади.
У ёлғон гапиряпти, чунки унга ҳеч нарса демаганман. Шунинг учун унинг узри менга мутлақо керак эмас.
Аслида қандай эканлигимизни хатоларимиз эмас, балки уларни тан олишга бўлган жасоратимиз белгилайди», — дейди Олмо Diari de Terrassa'га берган интервюсида.
Олмо уни урган Айяла ҳақида: «Менга унинг узри керак эмас. У ёлғон гапиряпти»
Футбол
26 июл, 14:59
ЖЧ финалидан сўнг Аргентина мураббий испаниялик яримҳимоячининг юзига урганди.
Foto: Getty Images
