Усик нечта жангдан сўнг фаолиятини якунлашини айтди

Ҳозиргача мағлубият нималигини билмаган, супероғир вазндаги собиқ мутлақ жаҳон чемпиони Александр Усик навбатдаги жанги унинг учун профессионал боксда сўнггиси бўлишини эълон қилди.

«Менимча, олдимда фақат битта «сўнгги рақс» қолди. Бу — атиги бир жанг дегани. Учта ёки бешта эмас. Сўнггиси — демак, битта. Кейинги жанг тугагач, барчага: «Раҳмат. Сизлардан миннатдорман», дейман», — деди Усик BBC'га берган интервюсида.

Украиналик боксчининг профессионал фаолиятида ҳозирга қадар 25 та ғалаба бор. Уларнинг 16 таси нокаут билан қўлга киритилган. Усик ҳалигача бирорта ҳам мағлубиятга учрамаган.

39 ёшли жангчи профессионал боксдаги дебютини 2013 йил ноябр ойида ўтказган. Шунингдек, у 2012 йилги Олимпия ўйинлари чемпиони ҳам ҳисобланади.