«Барселона» Лапорт трансферидан воз кечди

«Барселона» ҳимоячи Эмерик Лапортни трансфер қилишни режалаштирмаяпти.

Mundo Deportivo нашрининг хабар беришича, «Атлетик» ҳимоячиси Жаҳон чемпионати вақтида ўз хизматларини Каталония клубига таклиф қилган. Бироқ Испания чемпиони уни жамоага таклиф қилмоқчи эмас.

«Барселона»да 32 ёшли футболчининг маҳорати ва Испания миллий жамоасидаги ўйини юқори баҳоланади. Шунга қарамай, у 2026/27 йилги мавсум учун спорт раҳбарияти режаларига кирмайди.

Бош мураббий Ҳанс-Дитер Флик марказий ҳимоя чизиғини кучайтиришни устувор вазифа деб ҳисобламайди. Шунингдек, клуб чап марказий ҳимоячи позициясида Жерар Мартинга ишонади. Бундан ташқари, Флик Эрик Гарсия, Андреас Кристенсен, Роналд Араухо, Жюл Кунде ҳамда клуб тарбияланувчиси Алваро Кортес хизматларидан ҳам фойдаланиши мумкин.

Лапортнинг «Атлетик» билан шартномаси 2028 йил ёзига қадар амал қилади. «Барселона»га келиб тушган маълумотларга кўра, футболчининг шартномасида товон пули кўрсатилмаган. Шу сабабли каталонияликлар уни трансфер қилиш учун Бильбао клуби билан тўғридан тўғри музокара олиб боришига керак эди.

«Барселона» 2024 ва 2025 йил ёзларида Нико Уилямс трансфери атрофида юзага келган ҳолатлардан кейин «Атлетик» билан янги можароларни истамаяпти. Бу эса Лапортни жамоага олиб келишга бўлган ҳар қандай уринишга нуқта қўймоқда.

Ҳимоячи 2025 йил сентябр ойида «Ан Наср»дан «Атлетик» сафига қайтганди.