2026 йилги жаҳон чемпионати финалининг бош ҳаками бўлган словениялик Славко Винчич ҳакамлик фаолиятини якунлади. Бу ҳақда Словения футбол иттифоқи матбуот хизмати хабар берди.
Винчич фаолиятини 2026 йилги жаҳон чемпионати тугаганидан бир ҳафта ўтиб якунлади. Мусобақа финалида Испания миллий жамоаси қўшимча бўлимларда Аргентинани 1:0 ҳисобида мағлуб этганди.
Қайд этиш лозим, Халқаро футбол тарихи ва статистикаси федерацияси (IFFHS) уни 2026 йилги жаҳон чемпионатининг энг яхши ҳаками деб топди. Шунингдек, Италияда унга жаҳон ва Европа чемпионатларининг ҳал қилувчи босқичларида энг яхши ҳакамга топшириладиган нуфузли «Жулио Кампанати» мукофоти ҳам берилди.
Маълумот ўрнида, 46 ёшли Винчич 2026 йилги жаҳон чемпионатида 4 та учрашувни бош ҳакам сифатида бошқарди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади