«Барселона» «Борнмут» ҳужумчиси Эли Жуниор Крупи трансфери бўйича дастлабки музокараларни ўтказди.
Sport.es хабарига кўра, каталонияликлар вакиллари 20 ёшли франциялик футболчининг агентлари билан боғланиб, эҳтимолий трансфер тафсилотларини муҳокама қилган.
Қайд этилишича, «Барселона» Крупини «Атлетико» ҳужумчиси Хулиан Алварес трансферига муқобил вариант сифатида кўрмоқда.
Эслатиб ўтамиз, аввалроқ «Барселона» Хулиан Алварес учун 100 миллион евролик таклиф юборгани, бироқ «Атлетико» ушбу таклифни рад этгани ҳақида хабарлар тарқалганди. Ўтган мавсум Эли Жуниор Крупи «Борнмут» сафида АПЛда 33 та баҳсда майдонга тушиб, 13 та гол урган.
