«Бавария»ни эркин агент сифатида тарк этган Леон Горецка яқин кунларда келажаги бўйича якуний қарор қабул қилиши кутилмоқда. Бу ҳақда журналист Фабрицио Романо хабар берди.
Шунингдек, тажрибали яримҳимоячи ҳозирда «Барселона» билан музокара олиб бормаяпти. Қайд этилишича, «кўк-анорранглилар» раҳбарияти Горецкани жароҳат олган нидерландиялик яримҳимоячи Френки де Йонг ўрнига номзод сифатида кўриб чиқаётгани ҳақиқатга тўғри келмайди.
Маълумот ўрнида, ўтган мавсум 31 ёшли германиялик футболчи барча мусобақаларда 48 та учрашувда иштирок этиб, 5 та гол урди ва 4 та ассист амалга оширди. Аввалроқ Горецка ёзда «Арсенал»га ўтишни хоҳлаётгани маълум қилинганди.
