«Реал» ҳимоячиси Раул Асенсио фаолиятини Францияда давом эттириши мумкин. Бу ҳақда Mundo Deportivo хабар берди.
«Қаймоқранглилар»нинг янги бош мураббийи Жозе Моуринио режаларига кирмайдиган 23 ёшли футболчига ҳозирда «Марсел» қизиқиш билдирмоқда.
Маълум қилинишича, Асенсио дастлаб Мадридни тарк этишни истамаган. Бироқ клуб унинг кетишини хоҳлаётгани сабаб футболчи охир-оқибат трансферга рози бўлиши мумкин.
«Марсел» испаниялик ҳимоячини кейинчалик мажбурий сотиб олиш шарти билан ижарага олмоқчи. Сотиб олиш нархи 15 миллион евро этиб белгиланган.
Шунингдек, «Реал» Асенсионинг келажакда «Марсел»дан бошқа клубга сотилиши ҳолатида трансфер нархининг 25 фоизига эгалик қилиш ҳуқуқини сақлаб қолади.
Аввалроқ «Бешиктош» Асенсио учун 20 миллион евро сарфлашга тайёр экани маълум қилинганди.
