«Челси» вингери Педру Нету фаолиятини Саудия Арабистонида давом эттириши мумкин. Бу ҳақда журналист Жанлуижи Лонгари хабар берди.
Футболчининг манфаатларини ҳимоя қилувчи агент Жорже Мендеш ўз мижозини «Ал Ҳилол»га таклиф қилди. Қайд этилишича, Саудия клубининг ёзги трансфер ойнаси учун умумий бюджети 350 миллион евродан ортиқни ташкил этади.
Ушбу трансфер ойнасида «Ал Ҳилол» ҳужум чизиғига бир нафар легионерни аллақачон жалб қилди. Нидерландия миллий жамоасининг 24 ёшли вингери Крисенсио Саммервилл жамоа сафига келиб қўшилди.
