«Ал Ҳилол» «Бавария» вингери Луис Диас билан музокаралар олиб бормоқда. Бу ҳақда журналист Саша Таволери хабар берди.
Қайд этилишича, Саудия клуби 29 ёшли колумбиялик футболчига солиқлардан ташқари йилига тахминан 25 миллион евро маош таклиф қилишга тайёр.
Жамоа ҳозирча «Бавария» билан музокара олиб бормаяпти ва футболчининг ўзи билан келишувга эришмагунча Германия клуби билан расмий музокараларни бошламайди.
Шунингдек, Саудия клубининг ёзги трансфер ойнаси учун ажратилган умумий бюджети 350 миллион евродан ортиқ экани айтилмоқда. Агар Диас трансферга розилик берса, «Ал Ҳилол» у учун 105 миллион евродан 132 миллион еврогача тўлашга тайёр.
Аввалроқ Луис Колумбия миллий жамоаси сафида рекорд ўрнатгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади