«Бавария» сенегаллик иқтидорли футболчи Бара Сапоко Ндиаени ўз сафига қўшиш борасида келишувга эришди.
Инсайдер Фабрицио Романонинг хабарига кўра, 18 ёшли футболчи «Гамбинос Старс» клубидан доимий трансфер асосида Мюнхенга йўл олади. Томонлар 2031 йилгача мўлжалланган шартнома бўйича келишиб олган.
Қайд этилишича, трансфернинг расмийлаштириш ишлари якунланиш арафасида ва клуб бу ҳақда келаси ҳафта расман эълон қилади.
Манбага кўра, бош мураббий Венсан Компани футболчининг имкониятларини юқори баҳоламоқда ва Ндиаега асосий жамоада ўзини кўрсатиш имкониятини бермоқчи.
